Сабаленка выйшла ў трэці круг Australian Open

Беларуская тэнісістка Арына Сабаленка (11-ы нумар сусьветнага рэйтынгу) выйшла ў 1/16 фіналу Australian Open, абыграўшы ў другім крузе Кэці Боўлдэр (99) зь Вялікабрытаніі.

Матч скончыўся зь лікам 6:3, 6:4 на карысьць беларускі. Раней, у трэці круг спаборніцтваў выйшла яшчэ адна беларуска, Аляксандра Сасновіч (33).

У 1/16 фіналу Арына Сабаленка сустрэнецца з Амандай Анісімавай, якая выступае за ЗША і займае 87-е месца ў рэйтынгу WTA.

euroradio.fm/эж