Беларусь назапасіла больш за 7 мільярдаў валютных рэзэрваў

За сьнежань 2018 года золатавалютныя рэзэрвы зьнізіліся на 282,3 мільёны даляраў (3,8%) пасьля росту ў лістападзе 2018 года на 332,3 мільёны (4,7% працэнта). У выніку на пачатак 2019 года золатавалютныя рэзэрвы Беларусі склалі 7,16 мільярдаў даляраў.

Падтрыманьню ўзроўню золатавалютных рэзэрваў у сьнежні садзейнічалі паступленьне замежнай валюты ў бюджэт, у тым ліку ад спагнаньня экспартных пошлін на нафту і нафтапрадукты, паступленьне сродкаў ад продажу Нацыянальным банкам і Міністэрствам фінансаў аблігацый, намінінаваных у замежнай валюце, купля замежнай валюты Нацбанкам на таргах Беларускай валютна-фондавай біржы. Станоўчы ўплыў на ўзровень рэзэрваў таксама аказала павелічэньне кошту манэтарнага золата.

У цэлым па выніках 2018 года зьніжэньне рэзэрваў склала 157,7 мільёнаў даляраў (2,2%). Пры гэтым на пачатку 2020 год беларускія ўлады хацелі бы захаваць абʼём міжнародных рэзэрвовых актываў на ўзроўні ня менш за 7,1 мільярдаў даляраў.

Паводле Белта/юл