У гэтым годзе транзыт тавараў праз Беларусь павялічыўся на 20%

У 2018 годзе колькасьць транзытных грузаў, якія ідуць праз тэрыторыю Беларусі, павялічылася на 20%. Такія дадзеныя прыводзіць Дзяржаўны мытны камітэт.

У паведамленьні на сайце ДМК адзначаецца, што з кожным годам струмень транзытных тавараў, якія ідуць праз Беларусь, імкліва расьце. За студзень-лістапад праз беларускую мяжу перавезьлі больш за 52 млн тон тавараў, што на 10 млн тон больш, чым было ў аналягічным пэрыядзе мінулага года.

Таксама зафіксаваны значны рост у дачыненьні кантэйнэрных перавозак транзытных грузаў. З пачатку года аб'ёмы тавараў, перавезеных транзытам па беларускай чыгунцы, павялічыліся на 25%.

Тэлеграф/ав