У Клічаве нецьвярозы мужчына палохаў дзяцей

У школьнай клясе адной зь клічаўскіх школ, дзе праходзілі факультатыўныя заняткі, зайшоў 32-гадовы мясцовы жыхар у стане алькагольнага ап'яненьня і паведаміў, што зараз адбудзецца выбух.

Мужчына быў затрыманы настаўнікам, які ішоў па калідоры. Затым яго перадалі супрацоўнікам міліцыі. З мэтай праверкі паведамленьня былі эвакуіраваныя 48 дзяцей і 22 работнікі школы. Ніхто не пацярпеў.

Заведзена крымінальная справа за загадзя ілжывае паведамленьне аб падрыхтоўцы выбуху.

nn.by/эж