Новы кіраўнік Банка разьвіцьця прапануе прадаваць сухое малако ў Кенію

Падчас прызначэньня Андрэя Жышкевіча кіраўніком Банка разьвіцьця гаворка, у тым ліку, ішла аб магчымым фінансаваньні пэрспэктыўных праектаў па разьвіцьці гандлю з краінамі Афрыканскага кантынэнта. Адзін з іх – арганізацыя паставак сухога малака ў Кенію.

Сутнасьць у тым, каб даць кенійскаму бізнэсу магчымасьць інвэставаць у якое-небудзь беларускае сельскагаспадарчае прадпрыемства, каб затым арганізаваць экспартныя пастаўкі вырабленай на ім прадукцыі. «Для Беларусі гэта магчымасьць выйсьці на вялікі рынак, які, даведаўшыся якасьць нашай прадукцыі, дазволіць і ўсім астатнім прадпрыемствам сельскай гаспадаркі разьлічваць на продажы», – адзначыў Андрэй Жышкевіч.

belta.by/яс