Фільм беларускага рэжысёра перамог на фэстывалі ў Амстэрдаме

Фільм «Сума» («Summa») беларускага рэжысёра прызналі найлепшай сярэднеметражнай стужкай на фэстывалі дакумэнтальнага кіно IDFA ў Амстэрдаме.

Узнагароджаньне пераможцаў прайшло 21 лістапада. Стужка здымалася пры дапамозе тэлеканала «Белсат». Падчас фэстывалю адбылася сусьветная прэм’ера стужкі. Рэжысёр фільму Андрэй Куціла спадзяецца, што ў хуткім часе зможа паказаць яго і ў Беларусі.

Фільм «Сума» прысьвечаны гісторыі сяброўства паміж сталым польскім мастаком Анджэем Струмілам і маладой беларускай мастачкай Марыяй. Дзеяньні фільму адбываюцца на ўсходзе Польшчы.

паводле belsat.eu/эж