Беларусь прапануе Іркуцку новыя пэрспэктыўныя праекты

Сёньня Аляксандр Лукашэнка сустрэўся з губэрнатарам іркуцкай вобласьці Сяргеем Леўчанкам. Беларускі кіраўнік заявіў, што за апошнія гады паміж Беларусьсю ды Іркуцкам значна вырас узаемны гандаль і запрапанаваў нарошчваць супрацоўніцтва.

У студзені-жніўні 2018 года таваразварот Беларусі з Іркуцкай вобласьцю склаў больш за 67 мільёнаў даляраў, што 33% больш чым у мінулым годзе. Пры гэтым экспарт павялічыўся ў 2,2 разы, склаўшы амаль 38 мільёнаў даляраў.

Афіцыйны Менск бачыць пэрспэктывы ў нарошчваньні супрацоўніцтва з Іркуцкай вобласьцю ў прамысловасьці ды сельскай гаспадарцы. Гэта жывёлагадоўльля, расьлінаводзтва, укараненьне перадавых тэхналёгій. У індустрыі беларускі бок разьлічвае на супрацу з Іркуцкім авіярамонтным заводам.

Мы заўсёды гатовыя дзяліцца ўсім тым, што ў нас ёсьць«, – падкрэсьліў Лукашэнка.

Паводле Белта/юл