Вытворчасьць харчоў у Беларусі перавышае ўнутраную патрэбнасьць

Пра гэта паведаміў сёньня ў час круглага стала па пытаньнях забесьпячэньня харчовай бясьпекі намесьнік міністра сельскай гаспадаркі і харчаваньня Ігар Брыля, перадае БЕЛТА.

Намесьнік міністра адзначыў, што, згодна з міжнароднымі ацэнкамі, па ўзроўні харчовай бясьпекі Беларусь характарызуецца як краіна, якая забясьпечвае даступнасьць харчаваньня.

«Харчовая бясьпека ў Беларусі забясьпечваецца ў поўнай меры. Больш за тое, па такіх пазыцыях, як яйка, мяса, малако, узровень самазабесьпячэньня краіны ў 1,3-2,3 разы перавышае патрэбнасьць», – сказаў Ігар Брыль.

Па вытворчасьці абсалютнай большасьці відаў сельскагаспадарчай прадукцыі на душу насельніцтва Беларусь значна перавышае аналягічныя паказчыкі іншых краін СНД.

Так, у мінулым годзе на душу насельніцтва было выраблена 675 кг бульбы (для параўнаньня: у Расеі – 201 кг, Казахстане – 197 кг), 127 кг мяса (у Расіі – 71 кг, Казахстане – 56 кг), 771 кг малака (у Казахстане – 303 кг, Расіі – 212 кг).

яс