«Белавія» будзе выстаўляць новыя акцыйныя білеты кожны другі чацьвер

Авіякампанія «Белавія» распавяла пра вынікі лістападаўскай акцыі па продажу танных білетаў. На некаторыя эўрапейскія напрамкі было выкуплена каля 90% выстаўленых месцаў.

У Парыж было прададзена 1232 білетаў, у Санкт-Пецярбург – 821, Амстэрдам – 704, Прагу – 692, Барсэлёну – 541.

Дабрацца ў Парыж можна было за 34 эўра, затое вярнуцца – за 83 эўра (альбо адшукаць іншы транзытны варыянт).

Білет у два бакі ў Санкт-Пецярбург каштаваў 59 эўра – гэта таньней, чым у пляцкартным вагоне на цягніку.

«Белавія» паведамляе, што раз на два тыдні па чацьвяргах на сайце авіякампаніі будуць дадавацца квіткі па трох-пяці акцыйных напрамках.

наша ніва/вс