Вугорскі лаўкостэр рыхтуецца да ўваходу ў Беларусь

Лаўкостэр з Вугоршчыны Wizz Air можа адкрыць прамыя рэйсы ў Менск.

Пра паведаміў сёньня журналістам дзяржаўны сакратар Міністэрства замежных спраў і зьнешняга гандлю Вугоршчыны Чаба Балаг.

Чаба Балаг адзначыў, што абмяркоўваецца пытаньне павелічэньня колькасьці прамых авіярэйсаў у Беларусь. «У нас цесныя, добрыя адносіны з авіякампаніяй вугорскага паходжаньня – Wizz Air. Паспрабуем абмеркаваць з ёй адкрыцьцё прамых рэйсаў у Беларусь. Напэўна, у наступным годзе прадстаўнікі кампаніі прыедуць у беларускую сталіцу, каб пачаць практычную рэалізацыю, – сказаў дыплямат.

Прамыя авіярэйсы, па словах прадстаўніка МЗС, важныя не толькі для турыстаў, але і для бізнэсмэнаў. «Існуюць прамыя рэйсы паміж краінамі два-тры разы на тыдзень. Для бізнэсу гэтага недастаткова», – дадаў ён.

Паводле Наша Ніва/юл