ЭП заклікаў Беларусь зьняць абвінавачаньні з фігурантаў «справы БелТА»

У чарговай рэзалюцыі, прынятай 4 кастрычніка, Эўрапарлямэнт адзначыў, што ў Беларусі працягвае пагаршацца сытуацыя са свабодай СМІ. Прыкладам гэтага эўрапарлямэнтары назвалі «сур'ёзны перасьлед рэдактараў незалежных навінавых парталаў і журналістаў».

Эўрапарлямэнт згадвае ператрусы, якія адбыліся сёлета ў жніўні ў рэдакцыях tut.by і БелаПАН у сувязі са «справай БелТА». Затрыманьні журналістаў і рэдактараў па гэтай справе Эўрапарлямэнт разглядае як неадпаведную меру й заклікае беларускія ўлады зьняць зь іх усе абвінавачаньні. Таксама дэпутаты заклікаюць афіцыйны Менск неадкладна спыніць блякаваньне сайта «Хартыяʼ97» на тэрыторыі краіны.

эўрарадыё/вс