Лукашэнка адправіўся ў Таджыкістан

Перамовы пройдуць у вузкім і пашыраным фарматах. Прэс-служба Лукашэнкі падае, што ён правядзе перамовы пра супрацу з замежнымі лідэрамі.

Лукашэнка ўжо быў у Таджыкістане на перамовах з Эмамалі Рахмонам у траўні сёлета. Тады ён паляцеў на сустрэчу з малодшым сынам Колям.

Двух лідэраў аб’ядноўваюць асабістыя сувязі. Абодва знаходзяцца на пасадах прэзыдэнтаў ад 1994-га. У Лукашэнкі і Рахмона шмат агульнага ў сыстэме кіраваньня і памкненьні ўзяць усё пад кантроль, у першую чаргу эканоміку.

Лукашэнка запэўніваў, што прасоўвае ў Таджыкістане інтарэсы беларускіх вытворцаў. Там адкрылі цэх па зборцы беларускіх трактароў, у пэрспэктыве пастаўкі грузавікоў «БелАЗ». Апроч трактароў Беларусь пастаўляе ў Таджыкістан будаўнічую тэхніку, мэблю і энэргаабсталяваньне, прадукцыя неарганічнай хіміі. Таджыкістан экспартуе ў Беларусь бавоўну, воўну, сухафрукты і алюміній.

Паводле эканаміста Яраслава Раманчука, калі ў нашай краіне экспарт тавараў 30 мільярдаў долараў, а доля Таджыкістану менш за 0,1%, то па сутнасьці супрацы няма.

belsat.eu/яс