У Беларусі мадыфікуюць банкноты

У Беларусі ў 2019-2020 гадах выпусьцяць мадыфікаваныя банкноты з павышанай ступеньню абароны ад падробак. Таксама плянуецца надрукаваць больш купюр дробнага наміналу. Гэтыя новаўвядзеньні прадугледжаны ўказам кіраўніка Беларусі №380 ад 19 верасьня.

На гэтых грашах будзе стаяць новы год выпуску, паведамілі ў Адміністрацыі кіраўніка дзяржавы.

Неабходнасьць новаўвядзеньняў у ведамстве патлумачылі павелічэньнем колькасьці старых банкнот узору 2009 году, павышэньнем попыту на банкноты дробнага наміналу ва ўмовах нізкай інфляцыі, а таксама мадыфікацыяй банкнот для абароны ад фальшываманэцтва.

тэлеграф/вс