У Сьветлагорску жыхары зладзілі флэшмоб супраць «сьмярдзючага завода»

У Сьветлагорску каля 200 мясцовых жыхароў выйшлі на Цэнтральную плошчу горада ў мэдыцынскіх масках. Людзі трымалі ў руках паветраныя шарыкі зялёнага колеру й так стаялі каля гадзіны. Гэта быў флэшмоб супраць дзейнасьці новага завода беленай цэлюлёзы, з-за якога ў гарадзкім паветры заўсёды стаіць непрыемны пах.

Як паведамляе gomel.today, людзі проста стаялі й размаўлялі між сабой, пакуль не распачаўся дождж. Тут прысутнічалі й сілавікі ў цывільным, якія здымалі ўдзельнікаў флэшмоба на відэа. Праз пэўны час на плошчу выйшаў міліцыянт і праз мэгафон нагадаў пра закон аб масавых мерапрыемствах і адказнасьць за яго парушэньне.

эўрарадыё/вс