Пятнаццаты раз за год: у Беларусі зноў даражэе бэнзін

У Беларусі ў пятнаццаты раз на год даражэе аўтамабільнае паліва: з 9 верасьня кошты на яго павышаюцца на 1 капейку, як і ў папярэднія разы.

Паводле інфармацыі канцэрна «Белнафтахім», АІ-92-К5-Эўра будзе каштаваць 1,34 рубля, АІ-95-К5-Эўра – 1,42 рубля, АІ-98-К5-Эўра – 1,63 рубля, ДП – 1,42 рубля.

Раней у канцэрне заяўлялі, што паэтапнае павелічэньне коштаў на аўтамабільнае паліва адбываецца для таго, каб кампэнсаваць выдаткі НПЗ на вытворчасьць нафтапрадуктаў.

эўрарадыё/вс