Беларусь наведае парлямэнцкая дэлегацыя Фінляндыі

Фінскія парлямэнтары будуць у Беларусі з 29 жніўня па 1 верасьня, паведамляе прэс-служба Савета Рэспублікі.

Дэлегацыю ўзначаліць старшыня парлямэнцкай групы дружбы з Беларусьсю, член фракцыі Нацыянальнай кааліцыйнай партыі Віле Рудман. Адбудзецца сустрэча дэлегацыі са старшынём Савета Рэспублікі Міхаілам Мясьніковічам. Акрамя таго, пройдзе пасяджэньне рабочай групы Нацыянальнага сходу Беларусі па супрацоўніцтве з парлямэнтам Фінляндыі.

Праграмай візыту таксама прадугледжаныя сустрэчы парлямэнцкай дэлегацыі з кіраўніцтвам МЗС, Міністэрства прыродных рэсурсаў і аховы навакольнага асяродзьдзя, а таксама Парку высокіх тэхналёгій.

belapan.by/эж