Тысячы жыхароў Оршы выйшлі на экстранны суботнік

Маштабны суботнік па навядзеньні парадку прайшоў у суботу ў Аршанскім раёне.

На добраўпарадкаваньне рэгіёну выйшлі супрацоўнікі 300 прамысловых прадпрыемстваў, сяльгасарганізацый, жыльлёва-камунальнай сфэры, устаноў адукацыі, аховы здароўя, культуры. Па кожнай арганізацыі складзены пералік і графік работ. Асаблівы націск зроблены на тых прадпрыемствах, дзе пабываў Аляксандр Лукашэнка і застаўся незадаволены іх станам

У адным з двароў горада кіраўніцтва раёна разам з работнікамі райвыканкама ўсталявалі арэлі, дзіцячую горку і пясочніцы, набытыя двума мясцовымі прадпрыемствамі.

Новы кіраўнік Аршанскага раёна Ігар Ісачэнка падкрэсьліў, што суботнік і навядзеньне парадку ў бліжэйшыя дні стануць лякмусавай паперай якасьці працы улады.

Гэта толькі пачатак, першы штуршок. Далей не адзін дзень улады будуць праводзіць у рэгіёне маштабныя работы па добраўпарадкаваньні, заявіў чыноўнік.

Паводле Белта/Наша Ніва/ юл