На граніцы з Польшчай беларускія мытнікі бралі хабар

Затрыманы супрацоўнікі пункта пропуску «Брузгі» Гарадзенскай рэгіянальнай мытні. Гэта адбылося яшчэ ў ліпені, а стала вядома толькі цяпер.

Раней паведамлялася, што ў пачатку жніўня на пераходзе «Брузгі» на беларуска-польскай граніцы па падазрэньні ў атрыманьні хабараў і злоўжываньні службовымі паўнамоцтвамі была затрымана ўся зьмена мытнікаў, якія працавалі пры афармленьні грузавых аўтамабіляў.

Аднак у Гарадзенскай рэгіянальнай мытні гавораць, што «пра затрыманьне цэлай зьмены гаворка не ідзе».

Svaboda.org/вк