Колькасьць інтэрнэт-крамаў у Беларусі з пачатку году вырасла на 10%

З пачатку году колькасьць інтэрнэт-крамаў у Беларусі вырасла на 10%. Такую лічбу назваў першы намесьнік міністра антыманапольнага рэгуляваньня й гандлю Артур Карповіч, перадае БелТА.

Паводле словаў чыноўніка, на сёньня ў Гандлёвым рэестры колькасьць інтэрнэт-крамаў перавысіла 17 тысяч. «Большасьць інтэрнэт-крамаў – больш за 51% – належаць індывідуальным прадпрымальнікам. Агульны таваразварот інтэрнэт-крамаў за 2017 год склаў 3,4% у агульным аб'ёме розьнічнага тавараабарачэньня», – заявіў Карповіч.

Дарэчы, большасьць інтэрнэт-крамаў належыць прыватнаму бізнэсу, доля дзяржаўнага гандлю складае каля 8-9%.

эўрарадыё/вс