У Менску затрыманы гендырэктар дзяржаўнага холдынгу

Гендырэктара аднаго з дзяржаўных холдынгаў затрымалі за хабар у 85 тыс. эўра. Пры ператрусе ў яго хаце сілавікі знайшлі яшчэ $ 140 тыс., - паведаміла МУС.

Назва дзяржхолдынгу й імя затрыманага сілавікі не агучваюць.

Сьледчым камітэтам у дачыненьні да кіраўніка холдынгу распачатая крымінальная справа па ч.3 арт.430 КК (атрыманьне хабару ў асабліва буйным памеры). Яго санкцыя прадугледжвае пакараньне ў выглядзе пазбаўленьня волі тэрмінам да 15 гадоў з канфіскацыяй маёмасьці.

belsat.eu/яс