У Гомелі доўжыцца суд за дзедаўшчыну

Працягваецца разгляд крымінальнай справы за дзедаўшчыну ў памежных войсках. Судзяць былых памежнікаў з заставы «Новая Гута» (в/ч № 1242), што на дзяржаўнай мяжы з Украінай.

Паводле абвінавачаньня, 20-гадовы Раман Гладкі й 22-гадовы Сяргей Гузееў білі малодшых салдатаў на памежнай заставе й зьдзекаваліся зь іх. Пацярпелі сем чалавек. 9 ліпеня на судзе прысутнічалі 50 вайскоўцаў — салдаты, прапаршчыкі й афіцэры з розных падразьдзяленьняў Гомельскага памежнага атраду.

Адзін з прысутных афіцэраў патлумачыў, што візіт пяцідзесяцці пагранічнікаў на судовае паседжаньне мае прафілактычны характар.

Абвінавачаньне былыя вайскоўцы прызнаюць часткова. Яны кажуць, што такія дзеяньні ня мелі на мэце гвалт ці прыніжэньне, а нібыта падтрымлівалі вайсковыя традыцыі і «ўмацоўвалі маральны дух» навічкоў.

Паводле svaboda.org/ эж