АБСЭ занепакоеная папраўкамі ў беларускі закон аб СМІ

Прадстаўнік АБСЭ па свабодзе СМІ Арлем Дэзір выступіў з заяваў, што арганізацыя занепакоеная ўнясеньнем зьменаў у беларускае заканадаўства аб сродках масавай інфармацыі. Заяву Дэзіра распаўсюдзіла прэсавая служба АБСЭ.

Дыплямат назваў прыняцьце гэтых паправак трывожным сыгналам для свабоды СМІ й плюралізму ў Беларусі», – падкрэсьліў Дэзір.

Прадстаўнік АБСЭ заклікаў беларускія ўлады старанна перагледзець закон і прывесьці яго ў адпаведнасьць з міжнароднымі стандартамі і абавязацельствамі АБСЭ ў дачыненьні да свабоды выказваньня меркаваньняў і свабоды сродкаў масавай інфармацыі.

У прыватнасьці, АБСЭ найбольш закранулі пункты законапраекта, якія тычацца абмежаваньняў на заснаваньне СМІ замежнікамі ды жорсткі кантроль з боку Міністэрства інфармацыі за ўсімі онлайн-рэсурсамі. Ніводнае міністэрства не павінна блякаваць доступ да любога онлайн-рэсурсу без рашэньня суда, – адзначыў Дэзір.

Паводле ПЦ "Вясна"/юл