Банкам Беларусі дазволілі дараваць даўгі прадпрыемствам-даўжнікам

У Беларусі падпісаны ўказ, які рэгулюе пытаньні рэструктурызацыі запазычанасьці й спыненьня абавязацельстваў. Пра гэта паведаміў на сумесным пасяджэньні абедзьвюх палат парлямэнта першы віцэ-прэм'ер Беларусі Васіль Мацюшэўскі.

Згодна з дакумэнтам, у кіраваньне прадпрыемствамі-даўжнікамі могуць уключацца банкі любой формы ўласнасьці. Правы па крэдытнай дамове могуць прадавацца іншаму крэдытору са зьніжкай, якая зможа сабраць усе праблемныя актывы арганізацыі й правесьці іх рэструктурызацыю для зьніжэньня крэдытнай нагрузкі. Пры гэтым банкі таксама змогуць дараваць даўгі, паведамляе «Бізнэс-лідар».

Такія меры павінны зьнізіць праблемную запазычанасьць у рэальным сэктары эканомікі й тым самым скараціць дэфіцыт абаротных сродкаў.

тэлеграф/вс