У Маладэчне праходзіць фэстываль беларускай песьні

Сёньня адкрываецца XVIII Нацыянальны фэстываль беларускай песьні і паэзіі “Маладзечна”. На пляцоўцы палацу культуры гораду Маладэчна пройдзе канцэрт “Мэлёдыя лёсу”, прысьвечаны творчасьці кампазытара Ігара Лучанка. Прагучаць яго добра вядомыя песьні ў новых аранжыроўках.

У суботу адбудуцца канцэрты акадэмічнай музыкі, джазу. Апошні — у аграгарадку Чысьць.

Галя-канцэрт “Маладзечанскі зарапад” завершыць праграму ў суботу. У ім возьмуць удзел Ядвіга Паплаўская і яе дачка Анастасія Ціхановіч, Вікторыя Алешка, Іскуі Абалян, Ірына Дарафеева, Аляксей Хлястоў, Саша Нэма і іншыя артысты.

Нацыянальны фэстываль беларускай песьні і паэзіі “Маладзечна” праходзіць з 1993 году. З 2012 году стаў штогадовым.

Belta.by/вк