У Беларусі няма падстаў для росту цэн

Беларускі кіраўнік зазначыў, што ў першую чаргу гэта тычыцца паслуг ЖКГ. Тут прынятае рашэньне не павышаць іх кошт больш як на $5 у год.

Таксама Аляксандр Лукашэнка лічыць, што няма падстаў і для росту цэн на прадукты харчаваньня. Гэта зьвязана з тым, што ў Беларусі абсалютная большасьць харчаваньня мясцовай вытворчасьці, імпарт невялікі.

Паводле Аляксандра Лукашэнкі рост цэн у Беларусі магчымы толькі пры форс-мажорных абставінах, прадыктаваных звонку. Напрыклад, рэзкі спад на рынках асноўных краін-партнэраў або абвастрэньне сытуацыі на сусьветных рынках у выніку якіх-небудзь ваенных дзеяньняў.

Беларускі кіраўнік паабяцаў, што ўлады зробяць усё дзеля таго, каб людзі не пацярпелі ад канфліктаў, якія адбываюцца вакол.

Паводле Белта/юл