Сэрбія атрымала зь Беларусі баявыя самалёты

Пра гэта распавёў сэрбскай газэце «Политика» міністар абароны краіны Аляксандар Вулін.

Сэрбскі міністар выказаў падзяку Беларусі за падарунак. Беларускі падарунак разам пастаўкамі з Расеі дазволіць Бялграду сфармаваць эскадрыльлю з 14 самалётаў.

Акрамя чатырох Міг-29, Беларусь плянуе падарыць Сэрбіі яшчэ два дывізіёны (12 машынаў) ракетных комплексаў «Бук» пры ўмове, што тая сама аплаціць рамонт і мадэрнізацыю баявых машынаў.

Гэты падарунак стаў рэалізацыяй дамоўленасьцяў дасягнутых у траўні мінулага году, калі прэзыдэнт Сэрбіі Томіслаў Нікаліч прылятаў у Беларусь.

Паводле Радыё «Свабода»/юл