«Беларуськалій» і «Літоўскія чыгункі» падпісалі доўгатэрміновы кантракт

«Літоўскія чыгункі» (Lietuvos gelezinkeliai) заключылі доўгатэрміновы кантракт з ААТ «Беларуськалій».

«Беларусь зьяўляецца адным з нашых асноўных партнэраў у сэктары грузавых перавозак, таму доўгатэрміновыя кантракты з «Беларуськаліем» дазволяць нам умацаваць канкурэнтныя пазыцыі і плянаваць пастаўкі, лепш разьмяркоўваць свае рэсурсы – вагоны, лякаматывы», – адзначыў гендырэктар Літоўскай чыгункі Мантас Бартушка.

Да гэтага часу складаліся толькі кароткатэрміновыя кантракты з «Беларуськаліем», у якіх не ішла гаворка пра абавязальніцтвы адносна стабільнасьці тарыфаў, гарантаваных аб'ёмаў тавараў, што перавозяцца.

ААТ «Беларуськалій» зьяўляецца адным з самых важных кліентаў АТ «Літоўскія чыгункі» па абʼёме грузаў.

БелТА/nn.by/яс