Прызнаньне віз: Беларусь чакае адказ з Масквы

Прэс-сакратар Міністэрства замежных спраў Беларусі Дзьмітрый Мірончык на брыфінгу 4 красавіка заявіў, камэнтуючы ход кансультацый па пагадненьні аб узаемным прызнаньні візаў паміж Беларусьсю й Расеяй, што «ідзе нармальны перамоўны працэс».

Паводле яго слоў, у краін ёсьць супадаючыя пазыцыі, а пытаньні, па якіх бакі разыходзяцца, абмяркоўваюцца на ўзроўні краін з зацікаўленымі ведамствамі.

«Як толькі расейскі бок скаардынуе на міжведамасным узроўні свае падыходы, адбудзецца чарговы раўнд перамоваў. Мы гатовыя», – дадаў прэс-сакратар.

тэлеграф/вс