Маршрутчыкі зьнізілі цэны ў падзяку за подпісы

Службы маршрутных таксі ў Слуцку й Салігорску зьнізілі кошт праезду па маршрутах «Слуцк-Менск-Слуцк» (з 6 да 5 рублёў) і «Салігорск-Слуцк-Салігорск« (з 8 да 6).

«Мы прынялі аднагалоснае рашэньне – аддзячыць людзям за тое, што аддалі свае галасы, каб пакінуць маршруткі ў тым выглядзе, у якім яны існавалі. На дадзены момант гэта бестэрміновая акцыя», – перадае Кurjer.info словы Валерыя, аднаго з салігорскіх індывідуальных прадпрымальнікаў.

Паводле яго словаў, маршрутчыкі Слуцка й Салігорска ў бліжэйшы час не зьбіраюцца пераходзіць у «рэгуляршчыкі» й плянуюць езьдзіць, як і раней.

naviny.by/вс