У Ваўкавыску колькасьць хворых на адзёр вырасла да 12 чалавек

У Ваўкавыску расьце колькасьць хворых на адзёр. У пятніцу дыягназ быў лябараторна пацьверджаны 12 жыхарам горада. У бальніцы з клінічнымі праявамі знаходзяцца трое дарослых і трое дзяцей. Шасьцёра цалкам ачунялі.

Больш за 30 чалавек застаюцца пад наглядам мэдыкаў для выключэньня або пацьверджаньня хваробы.

У горадзе адкрыты дадатковы прышчэпачны пункт, людзі масава вакцынуюцца, улічваючы, што практычна ўсе хворыя не былі прышчэплены ад адзёру.

Пакуль мэдыкі спакойныя: прафіляктычныя прышчэпкі атрымалі больш за 97 адсоткаў насельніцтва. Інфэкцыя знаходзіцца пад кантролем.

sb.by/nn.by/аз