За дзень сабрана 2000 подпісаў за беларускамоўны ўнівэрсытэт

Ягоная пэтыцыя складаецца з трох пунктаў: «1. распрацаваць праграму адраджэньня беларускай мовы ў сфэры адукацыі; 2. стварыць юрыдычныя ўмовы для рэгістрацыі прыватных дзіцячых садкоў, школ і ВНУ; 3. стварыць першы беларускамоўны Нацыянальны ўнівэрсытэт».

Збор подпісаў праходзіў па ўсяму Менску, а таксама ў некаторых абласных цэнтрах. Агулам было сабрана каля 2000 подпісаў. Таксама 330 чалавек падпісалася пад пэтыцыяй у інтэрнэце.

Зьміцер Дашкевіч заявіў, што абсалютна задаволены вынікам, не чакаў, што так многа людзей падпішацца. У панядзелак ён плянуе перадаць сабраныя подпісы ў Савет міністраў і Міністэрства культуры.

Паводле Наша Ніва/юл