Беларусь плянуе адмяніць дазволы фізасобам на адкрыцьцё рахункаў за мяжой

У Беларусі зьнікне неабходнасьць дазволаў фізычным асобам на адкрыцьцё рахункаў за мяжой. Такое рашэньне можа быць прынятае ў бліжэйшай пэрспэктыве.

Як піша ў студзеньскім нумары «Банкаўскі весьнік», пра гэта на пасяджэньні праўленьня Нацбанку распавёў намесьнік старшыні праўленьня Сяргей Калечыц.

Паводле яго слоў, таксама плянуецца цалкам адмяніць абавязковы продаж валютнай выручкі ды рэалізаваць пераход ад дазваляльнага парадку правядзеньня асобных валютных апэрацый руху капіталу да рэгістрацыйнага.

эўрарадыё/вс