У Беларусі адмянілі штраф за забытыя правы кіроўцы

У Беларусі зь серады адменены штраф за забытыя правы кіроўцы.

У ДАІ, аднак, рэкамэндуюць кіроўцам не злоўжываць адсутнасьцю дакумэнтаў. Працэдура праверкі па базах дадзеных патрабуе пэўнага часу. Акрамя таго, кажуць даішнікі, у сыстэме можа ня быць інфармацыі пра дакумэнты, выдадзеныя даўно, тады спатрэбіцца дадатковая праверка.

Раней штраф за адсутнасьць дакумэнтаў складаў ад 0,1 да 2 базавых велічыняў. Цяпер кіроўцу могуць прыцягнуць да адказнасьці з фармулёўкай «іншыя парушэньні».

Дарэчы, за паўторнае – на працягу аднаго года – кіраваньне транспартным сродкам асобай без права кіраваньня прадугледжаны таксама адміністрацыйны арышт – да 15 сутак. Такая катэгорыя спраў будзе разглядацца судамі.

паводле белта/вс

здымае мае ілюстрацыйны характар