У пункце пропуску «Грыгароўшчына» запрацавала сыстэма электроннай чаргі

У пункце пропуску «Грыгароўшчына» на беларуска-латвійскай мяжы пачала працаваць сыстэма электроннай чаргі. Пра гэта сёньня паведамілі прадстаўнікі Дзяржаўнага памежнага камітэту Беларусі.

Цяпер аўтамабілісты, якія хочуць трапіць у Латвію празь міжнародны пункт пропуску «Грыгароўшчына», павінны будуць прайсьці абавязковую сыстэму рэгістрацыі перад уездам у зону чаканьня.

У ДПК зьвярнулі ўвагу, што заехаць у гэты пункт пропуску можна як па раней забраніраванаму часе, так і ў парадку жывой чаргі. Сама сыстэма электроннай чаргі вызначае толькі час уезду ў пункт пропуску.

«Памежны, мытны й іншыя віды кантролю адбываюцца ва ўстаноўленым парадку», – адзначылі ў ДПК.

тэлеграф/вс