На час навагодніх сьвятаў БЧ прызначыла 77 дадатковых цягнікоў

Беларуская чыгунка ў дні навагодніх і калядных сьвятаў прызначыла 77 дадатковых цягнікоў міжнародных і міжрэгіянальных ліній.

Як паведамляе прэс-служба БЧ, з 29 сьнежня па 13 студзеня ў міжнародных зносінах будуць дадаткова курсіраваць 25 цягнікоў па найбольш запатрабаваных маршрутах: Менск — Масква — Менск, Менск — Санкт-Пецярбург — Менск, Масква — Брэст — Смаленск, Баранавічы — Масква — Баранавічы, Львоў — Менск, Калінінград — Масква — Калінінград, Санкт-Пецярбург — Бранск.

У міжрэгіянальных зносінах на гэты час прызначаныя 52 дадатковыя цягнікі па маршрутах Менск — Гомель — Менск, Менск — Брэст — Менск, Віцебск — Менск — Віцебск, Магілёў — Гомель — Магілёў, Віцебск — Брэст — Віцебск, Козенкі — Менск — Козенкі.

Больш падрабязную інфармацыю пра час адпраўленьня прызначаных дадатковых цягнікоў можна атрымаць на сайце Беларускай чыгункі, а таксама ў чыгуначных касах і па тэлефонах даведачных службаў.

belapan.com/аз