Беларускія лекары з лібійскага палону вярнуліся дахаты

Сям’я з Гомлю, урач-траўматоляг Сяргей Здота і апэрацыйная сястра Іна Бабуш, якіх трымалі ў Лібіі прымусам, вярнуліся на радзіму.

З 2010 года дактары працавалі па кантракце ў прыватным мэдычным цэнтры ў лібійскім горадзе Зінтан, у 100 км ад сталіцы.

Мэдыкаў трымалі пад хатнім арыштам, каб прымусіць падоўжыць кантракт. У іх таксама адабралі пашпарты. Аднак сям’і ўдалося зьвязацца з беларускім Міністэрствам міністэрствам замежных справаў, якое дапамагло сямейнай пары.

Пра сваю дапамогу лекарам у Тэлеграме напісаў Рамзан Кадыраў.

У сераду спадар Сяргей і спадарыня Іна вылецелі з Лібіі ў Менск праз Маскву.

«Без узгодненай працы такое складанае пытаньне не вырашылі б так удала і апэратыўна», – заявіў Сяргей Здота.

БЕЛТА падае, што мэдыкі падзякавалі Аляксандру Лукашэнку, Уладзіміру Пуціну і Рамзану Кадыраву, а таксама дыпляматам і журналістам, якія ім дапамагалі.

belsat.eu/яс