Беларуска прызнаная самай прыгожай замужняй жанчынай сьвету

Тытул самай прыгожай замужняй жанчыны плянеты прысуджаны беларусцы Алене Піваваравай, якая прадстаўляла Беларусь на міжнародным конкурсе прыгажосьці «Місіс Зямны шар 2017» (Mrs.Globe) у Кітаі.

Алена з Менску, скончыла БДПУ імя. М. Танка, настаўнік-дэфэктоляг дзіцячага сада, шматдзетная маці. Цяпер яна знаходзіцца ў адпачынку па апецы над дзіцём. У конкурсе ў Кітаі Алена была лідарам глядацкага онлайн-галасаваньня. З конкурсу для замужніх жанчын «Місіс Зямны шар 2017», дзе канкуравалі прадстаўніцы больш чым 70 краін свету, Алена Піваварава вярнулася з тытулам «Самая прыгожая жанчына» (Most Beautiful Woman).

У мінулым годзе пераможцай конкурсу «Місіс Зямны шар» стала таксама беларуска – Сьвятлана Кузьняцова.

Белта/нг