Лукашэнка распавёў, што яго папракаюць у «мяккай беларусізацыі»

Аляксандр Лукашэнка распавёў, што яго папракаюць у «мяккай беларусізацыяй».
13 сьнежня кіраўнік дзяржавы выступіў на II зьезьдзе навукоўцаў Беларусі. У сваёй прамове ён выказаўся наконт таго, што нацыю аб’ядноўваюць яе традыцыі й гісторыя. Паводле слоў Лукашэнкі, патрэбныя новыя формы прапаганды беларускай культуры й навукі, і яны павінны быць цікавыя й займальныя.

У той жа час кіраўнік дзяржавы лічыць, што ў Расеі ёсьць «дзеячы», якія не разумеюць падзей у Беларусі. «Мяне ў чым папракаюць? – кажа Аляксандр Лукашэнка. – Што я ў Беларусі наладзіў мяккую беларусізацыю. Слухайце, мне што, германізацыю тут наладзіць?».

Лукашэнка лічыць, што беларускія навукоўцы павінны больш актыўна папулярызаваць сваю краіну ў сьвеце.

эўрарадыё/вс