Паявілася новае чыгуначнае спалучэньне паміж Менскам і Варшавай

Сёньня пачало дзейнічаць новае чыгуначнае спалучэньне Менск-Варшава. Дзякуючы новаму цягніку можна будзе дабрацца зь беларускай сталіцы ў польскую і наадварот за прыкладна 8 гадзін. Новае спалучэньне зьяўляецца ініцыятывай абедзьвюх чыгунак. Польскія вагоны едуць да Берасьця, дзе пасажыры праходзяць памежны кантроль і перасядаюць у беларускі цягнік.

Беларускія СМІ зьвяртаюць увагу, што новае спалучэньне нашмат таньнейшае, чым падарожжа на іншым цягніку ці самалёце. Білет з Менску ў Варшаву каштуе 41 рубель.

Віцэ-старшыня Сэнату Марыя Коц, якая знаходзіцца з візытам у Беларусі, кажа, што гэта вельмі практычнае, таннае і хуткае спалучэньне.

М. Коц: На маю думку, гэта вялікая выгода для нашых суайчыньнікаў, якія змогуць зь Менску, зь Берасьця паехаць у Варшаву. Таксама зручна будзе падарожнічаць беларусам, якія захочуць наведаць Польшчу з турыстычнымі мэтамі.

ІАР ПР/нг