У Беларусі 60% аб'ектаў грамадзкага харчаваньня забраніраваныя на Новы год

Больш за 60% абʼектаў грамадзкага харчаваньня забраніраваныя для правядзеньня пераднавагодніх і навагодніх мерапрыемстваў, паведаміла 5 сьнежня начальнік упраўленьня гандлю, прамысловага й аграпрамысловага комплексу Міністэрства антыманапольнага рэгуляваньня й гандлю Віялета Бразоўская.

«Кошт вагаецца ад 30 рублёў на чалавека й вышэй, а ў навагоднюю ноч – ад 70 рублёў і вышэй у залежнасьці ад заплянаваных мерапрыемстваў», – сказала яна.
Некаторыя абʼекты сталі прымаць заказы яшчэ ў кастрычніку.

Віялета Бразоўская адзначыла, што працягвае дзейнічаць норма пастановы Мінгандлю ад 29 лютага 2008 года №7 аб тым, што не дапускаецца ўстанаўліваць для наведвальнікаў абʼектаў грамадзкага харчаваньня мінімальнага кошту заказу.

белта/тэлеграф/вс