Кіраўніком менскай міліцыі будзе начальнік турмаў

Аляксандр Лукашэнка прызначыў кіраўніка менскага ГУУС. Ім стаў Сяргей Дарошка, які да гэтага пяць гадоў узначальваў Дэпартамэнт выкананьня пакараньняў.

У падпарадкаваньні ДВП знаходзіцца пэнітэнцыярная сыстэма Беларусі – гэта турмы, «хіміі», ЛПП.

Цікава, што папярэднік Дарошкі Аляксандар Барсукоў да прызначэньня галоўным міліцыянэрам Менска таксама ўзначальваў Дэпартамэнт выкананьня пакараньняў.

Што тычыцца Сяргея Дарошкі, то ён зьяўляецца выпускніком факультэта ўнутраных войскаў МУС. Быў камандзірам канвойнай брыгады ў Баранавічах.

nn.by/яс