Заўтра ў Менску распачынаецца Месяц польскай літаратуры

Цягам лістапада Польскі інстытут правядзе шэраг рознафарматных літаратурных імпрэзаў – прэзэнтацыі кніг, сустрэчы з польскімі пісьменьнікамі і іх беларускімі перакладчыкамі, паэтычныя чытаньні, прэзэнтацыю літаратурна-мастацкай выставы і многае іншае.

У гэтым годзе імпрэзы Месяца польскай літаратуры пройдуць у розных пляцоўках горада: у музэях, бібліятэцы, галерэі, студэнцкай аўдыторыі і ў бары. Уваход вольны на ўсе мерапрыемствы.

Урачыстае адкрыцьцё Месяца пройдзе заўтра, 9 лістапада. На ім адбудзецца прэзэнтацыя кнігі ўспамінаў Зыгмунта Мінейкі «З тайгі пад акропаль» з удзелам перакладчыцы Марыны Запартыкі, гісторыкаў Вольгі Гарбачовай і Дзьмітрыя Матвейчыка, а зайграе трыо «Вытокі».

Падрабязную праграму Месяца польскай літаратуры можна знайсьці на старонцы Польскага інстытуту ў Менску.

ав