У Баранавічах мужчыны спрабавалі абмяняць сэрбскі дынар пад выглядам эўра

Адразу два факты спробы абмену сэрбскіх дынараў пад выглядам эўра былі зафіксаваныя ў Баранавічах. Абодва разы банкаўскія працаўнікі праявілі пільнасьць і паведамілі ў міліцыю.

Як паведамляецца, спачатку 26-гадовы мужчына паспрабаваў абмяняць купюру ў «200 эўра», а затым іншы гараджанін трапіўся на здачы ў абменьнік «500 эўра».
Першы ў ходзе разбору распавёў, што гэтую банкноту набыў у Крыме ў прыватнай гандлёвай кропцы, а другі, што знайшоў на вуліцы.

Паводле іх словаў, яны не падазравалі, што купюры несапраўдныя.
У ходзе праведзенай экспэртызы высьветлілася, што канфіскаваныя купюры зьяўляюцца сэрбскімі грашыма, першапачатковы зьмест якіх зьменена шляхам падчысткі некаторых рэквізытаў і нанясеньня новых малюнкаў каляровым кроплева-струмянёвым друкам.

Цяпер праваахоўнікі праводзяць праверку па гэтым факце.

naviny.by/вс