Беларускі стварылі калекцыю адзеньня «Вёска» без вышыванкі

Паліна Картавіцкая і Ларыса Сьцяпанава збудавалі брэнд на дзіцячых успамінах пра лета і натуральнасьці. Дуэт дызайнэрак так і называецца – Historia Naturalis.

Мадэльеркі працуюць разам ад 2009 года, будуючы ўласную марку на беларускай аўтэнтычнасьці: з натуральнымі матэрыяламі, стоадсоткава беларускай атмасфэрай – але без клішэ і штампаў.

Дзяўчыны не стараюцца пераасэнсаваць татальную вышыванку, а проста гуляюць з асацыяцыямі.

Менавіта на гэтай гульні інтэрпрэтацыяў, фарбаў і ўзораў збудаваная лінейка «Вёска». Школьныя канікулы ўсе праводзілі ў розных месцах, але, гледзячы на патэрны Картавіцкай і Сьцяпанавай, становіцца зразумела, што не – усе былі ў адным.

Вяснова-летнюю калекцыю 2018 года «Вёска» дызайнеркі прадставілі на Беларускім тыдні моды 24-29 кастрычніка.

belsat.eu/яс