Беларусы дамагаюцца адстаўкі міністра абароны Андрэя Раўкова

Праз сэрвіс электронных зваротаў да дзяржаўных органаў zvarot.by праваабаронцы праводзяць кампанію супраць дзедаўшчыны ў арміі з патрабаваньнем адстаўкі міністра абароны Беларусі Андрэя Раўкова. На гэты момант даслана больш за 3700 індывідуальных паведамленьняў міністру.

Кампанія разгарнулася ў сувязі з жудасным выпадкам у вайсковай частцы у Пячах, дзе ў склепе знайшлі 21-гадовага Аляксандра Коржыча павешаным са зьвязанымі нагамі. Сям’я і сябры ўпэўнены, што ён стаў ахвярай дзедаўшчыны.

«Камандзір часткі сказаў маці: даруйце, так атрымалася». Сьледчы камітэт распачаў справу па факце сьмерці жаўнера ў Пячах.

belsat.eu/яс