Легалізаваць анлайн-казіно зьбіраюцца ў Беларусі

Легалізаваць анлайн-казіно зьбіраюцца ў Беларусі. Праект указу, які падрыхтавала Міністэрства па падатках і зборах, вынесены на грамадзкае абмеркаваньне. Сутнасьць дакумэнту ў стварэньні сыстэмы дзяржаўнага рэгуляваньня дзейнасьці такіх сэрвісаў.

Калі ініцыятыву падтрымаюць, для работы на тэрыторыі краіны ўладальнікам віртуальных казіно прыйдзецца атрымліваць спэцыяльныя дазволы. Выдаваць ліцэнзіі будуць толькі тым прэтэндэнтам, якія адпавядаюць пэўным крытэрыям.

Акрамя таго, прапануецца ўвесьці адміністратыўную адказнасьць за парушэньні ў сфэры ігральнага бізнэсу. Складаць пратаколы і разглядаць такія справы будуць службовыя асобы падатковых органаў і Камітэту дзяржаўнага кантролю. Прааналізаваўшы замежны досьвед, аўтары новага дакумэнту таксама плянуюць забараніць карыстаньне паслугамі электронных казіно асобам, якім няма 21 году.

interfax.by/св