У Беларусі вырастуць заробкі бюджэтнікаў

З 1 верасьня яна будзе складаць 33 рублі, на сёньняшні дзень – 31 рубель. Такое рашэньне 24 жніўня прыняў Савет міністраў Беларусі.

Паводле пастановы Саўміна, органы дзяржкіраваньня, мясцовыя органы ўлады, кіраўнікі бюджэтных арганізацый мусяць забясьпечыць пераразьлік заробкаў работнікаў.

Пра тое, што ў Беларусі краіне павысіцца стаўка першага разраду, а значыць павялічацца заробкі, днямі паведаміў прэм’ер-міністр Андрэй Кабякоў. Ён удзельнічаў у нарадзе, на якой кіраўнік дзяржавы даручыў зьвярнуць асаблівую ўвагу на бюджэтнікаў (іх налічваецца больш за 859 тысяч чалавек), якія маюць мінімальныя даходы.

Апошні раз тарыфная стаўка першага разраду ў Беларусі павысілася 1 студзеня 2017-га, яна вырасла да 31 рубля.

euroradio.fm/яс