Лукашэнка прызнаўся, чаму не гаворыць па-беларуску

У інтэрвію тэлеканалу «Россия 24» беларускі лідар прызнаўся, чаму не размаўляе па-беларуску. Ён патлумачыў гэта тым, што « у беларускай не заўжды можна знайсьці патрэбныя для размовы словы».

Таксама Аляксандар Лукашэнка выказаў думку, што «расейская мова ў Беларусі – гэта дабро для краіны.

«Я часта пра гэта кажу, што беларуская мова адносна маладая. Бо ў шмат якіх пытаньнях, тэмах, асабліва ў тэрміналёгіі (фізыка, хімія, матэматыка), у нас папросту няма адпаведных паняткаў у беларускай мове».

Паводле Лукашэнкі, ягоная душа – у расейскай мове, таксама як і ў абсалютнай большасьці беларусаў.

«Тыя, хто крытыкуюць сёньня расейскую мову, яны, можа, і не праціўнікі яе, а папросту такім чынам хочуць падняць беларускую мову да ўзроўню расійскай мовы», – лічыць Лукашэнка.

Паводле Наша Ніва/юл