Старшыня прафсаюзу РЭП Генадзь Фядыніч выйшаў на свабоду

Старшыня прафсаюзу радыёэлектроннай прамысловасьці (РЭП) Генадзь Фядыніч выйшаў на свабоду. Пра гэта ў сетцы Facebook напісаў актывіст гэтай арганізацыі Андрэй Стрыжак.

Фядыніч быў затрыманы ў сераду. Дэпартамэнт фінансавых расьсьледаваньняў правёў ператрус у офісе ды заявіў пра рахункі прафсаюзу ў замежжы («сотні тысяч даляраў») і распачатую крымінальную справу. Таксама ператрус прайшоў у офісе Беларускага незалежнага прафсаюзу ў Салігорску.

Стрыжак піша, што пасьля допыту на свабоду выйшла й былая рэдактарка прафсаюзнага сайту Натальля Пічужкіна. У той жа час галоўны бухгальтар РЭП Ігар Комлік трапіў у цэнтар ізаляцыі правапарушальнікаў на Акрэсьціна.

эўрарадыё/вс