Новы раўнд дыялёгу па правах чалавека ў Беларусі адбыўся ў Бруселі

Чарговы (чацьвёрты па ліку) раўнд дыялёгу па правах чалавека ў Беларусі адбыўся ў Бруселі. Пра гэта паведамляе прадстаўніцтва Эўразьвязу ў краіне. У сталіцу Бэльгіі прыехалі прадстаўнікі беларускага зьнешнепалітычнага ведамства, Міністэрства юстыцыі ды грамадзкіх арганізацыяў.

Дэлегацыю ад ЭЗ узначаліў кіруючы дырэктар па Эўропе ды Цэнтральнай Азіі Эўрапейскай службы зьнешніх дзеяньняў Томас Майр Хартынг. Сярод тэмаў, што закранулі ўдзельнікі спатканьня – свабода выражэньня думкі, выбарчых правоў, сьмяротнае пакараньне, рэформа пэнітэнцыярнай сыстэмы, а таксама гендэрная роўнасьць ды барацьба з гвалтам у сям’і.

Брусэль высока ацаніў уклад арганізацыяў грамадзкай супольнасьці ў разьвіцьцё палітычнай, сацыяльнай і культурнай сфэраў. Паведамляецца, што наступны раўнд дыялёгу, прысьвечанага правам чалавека ў Беларусі, адбудзецца ў будучым годзе.

св/naviny.by